خصص الطابقان الاول والثاني من سجن ميلانو لاقامة المساجين المحكوم عليهم باكثر من ثلاث سنوات … اما الطابق السفلي فقد اعد لادارة السجن وبعض غرف الحراس والمخازن ومرابض السيارات بالاضافة الى مكاتب مهيأة لزيارة السجناء،فيما احتوى الطابق الارصي على عدد من وحدات الغرف الفردية او ما يعرف بالزنزانات لمعاقبة العتاة و الاشداء مثيري المشاكل بالسجن.

على الجانب الايمن بهو مظلم ينتهي الى قاعة الغسيل المجهزة لغسل ملابس السجناء و اغطيتهم كما تنتصب الى جانب القاعة المذكورة بيت التبريد ” لامورغا” لايواء الاموات واستقبال من قضى نحبه وراء القضبان او لرفع جثة من هناك للدفن من حين لآخر …. كان دور سامي شُهر “باولو “شقيق نترة القيام بغسل ملابس السجناء و اغطيتهم يضعها او يخرجها من الات الغسيل متأففا واضعا على انفه منديلا لتقليص حدة الروائح الكريهة الخانقة التي تنبعث من كتل الملابس الملوثة بالاوساخ و العرق وحتى الفضلات،مادامت الزنزانات تفتقر الى الماء او المراحيض وهي ضيقة جدا لا تتجاوز الثلاثة امتار مربعة ودون تهوئة …

لطالما لاحت. في مخيلة سامي صورة امه مبروكة وشقيقته عزيزة وهما تغسلان و تفركان وتعصران وتنشران الملابس والاغطية الصوفية في بهو المنزل الملاصق لباب الحمام المشقق الذي يتم غلقه من الداخل عبر مسمار 14 لدى قصاء الحاجة فيهزه الحنين وتدمع عيناه شوقا،…

الاضواء الخافتة ببيت الغسيل والظلام الذي،يغطي البهو يبعثان في،نفس سامي الخوف …ويخيل اليه من حين لاخر انه يستمع الى اصوات انين و هذيان وصياح و حشرجات صادرة من جهة بيت الاموات ..وكم مرة يتساءل بينه و بين نفسه في رعب،والعرق يتصبب من جبينه و ابطه ان كان مقيمو هذه البيوت اللعينة التي تنطلق منها الاصوات قد حشروا احياء؟؟ وعندما يشتد الصياح الذي يتردد صداه بين جدران بيت الغسيل والبهو الطويل المظلم يضغط سامي على الزر فيهرع الحارس ” لبرقوني”.بسرعة لاستجلاء ما يجري ..

—ما الخطب يا سجين 62؟ ..هل هناك من سبب لدعوتي و اثارة متاعبي؟

—-سيد البرقوني …بيوت الاموات !…

—ما لها بيوت الاموات؟

—–هناك صياح صادر من بيوت الاموات … هناك ايضا انين متواصل و حشرجات كصوت شاة مذبوحة يتبعها صياح .. لشد ما اخافني ذلك.

–كفى ..كف انت تهذي يا سامي 62….الاموات لا يعودون …ولا يصيحون ايها الغبي . اذا مات شخص يعني انتهى.. فنيتو …فنيتو حبيبي.

يفتح الحارس البرقوني باب بيت التبريد هازءا مستطردا :

—تعال انظر جيدا ..هذه المتدلية هي جثة “جياني” الذي قضى نحبه البارحة …ليس له اقارب او اصدقاء قضى معنا سبع عشرة سنة بسبب قتله لاربعة مواطنين بينهم شرطي لدى هجومه على بنك مع بقية عصابة المافيا. ….انتظر هناك ايضا ذاك المنتفخ الجثة مثل فيل ميت بادغال افريقيا …هو يدعى “بدرو” وهو مجرم خطير جدا هدد الحراس واعتدى على بعص المساجين وحاول الهروب و لم يفلح. رميناه بالزنزانة الانفرادية عدد 5 دون اكل او شرب او غطاء او تهوئة …صار يصيح طول الليل و يضرب راسه على الحائط و ينادي الحراس و ينعتهم باقذر النعوت …فما كان منا الا ان اطلقنا عليه كلبين شرسين من فصيلة “الدوبرمان ” لنهشه وقصاء الليل معه في نفس الزنزانة …لكنه تمكن من قتل احدهما خنقا في لحظات معدودة …واضطررنا الى انقاذ الكلب الثاني المتبقي قبل ان يجهز عليه .. .مشهد مرعب …كان “بدرو” الذي تشاهد جثته المنتفخة امامك يضرب الكلب “ريكو” ويعضه من راسه ويحاول خنقه مثلما فعل مع ” فوكس” (يصمت الحارس البرقوني قليلا ثم يصيف): –الكلاب مكلفة جدا واظن ان مدرب الكلب قد انتقم لكلبه. اترى هذا الانتفاخ ؟ واثار الدماء من انفه البشع ؟ …

يصيح سامي: كفى سيد البرقوني رجاء لا تفتح غرفة تبريد اخرى …

ـ يتبع ـ

خليني نقول في البداية اني ما دخلتش لعرض العبدلّي البارح لسبب مبدئي وهو اني ضدّ هذه النوعية من الفنون واللي في تقديري ما انجمش نصنفها في قائمة الاعمال الفنية …مجموعة من التعبيرات ملقّطة وملقوطة ..

الفن دائما بالنسبة لي هو الذي يرتفع بمستوى المتلقّي لا ذلك الذي ينزل اليه واكبر دليلي على ذلك انو بمنطق العبدلي اللي يقول انو يعبّر على الشارع التونسي ويتماهى معاه، هو منطق غالط تماما لانو بنفس هذا المنطق ينجم يوما ما ولد العبدلّي يسبّ الجلالة … قال اشنوّة قال يخخي الشارع ما يربربش ؟؟ لذلك انا ندهش من عائلة تنتقل للفرجة عليه وهو يحكي من الحزام اللوطة ..حتى الثقافة الجنسية علم يُدرّس موش تزوفير وكلوبية سوق ودزّ على هاكة واقعنا ..

هاكة واقعنا ايه اما انت دورك كفنان انك تصلّح ..تماما كدور المربّي في القسم ..تقبلو انتوما انوّ معلّم او استاذ يقول كلام زايد ويربرب في الفصل ؟؟ ..اذا تقبلو لطفي العبدلّي في الخمج متاعو اقبلو زادة المعلّم اذا تكلّم كلام خامج …طبعا وبعد ما تفرجت على فيديوات عرض البارح لاحظت انو الجماهير كانت غفيرة ..وهذي ظاهرة يلزم دراستها سوسيولوجيّا ..نفس تلك الجماهير او على الاقلّ اغلبها ما نتصوروش يقول قدام امو وبوه كلمة خايبة لكن في نفس الوقت البارح يحضر هو وامو وبوه باش يشيخو بالكلام الخايب (والعب يا عبدلي والشعب معاك) … الاجابة عن هذه المفارقة يفسروها علماء الاجتماع هم اقدر مني على ذلك …

نجيو توة للحادثة الحدث ..موقف الامنيين مما حدث واللي وصل الى درجة انسحاب العبدلي قبل اتمام العرض والهروب بجلدو … حتى انّ منتج العرض صرّح في وسائل الاعلام انو لولا تهريبو لوقع قتله !.. وطبعا قريت ردود الفعل المختلفة تماما ..شق يرى انو الأمني لا حق له في التدخل في المحتوى وعليه فقط القيام بواجبه وهو حماية الجماهير وشق ثاني يلقالو اعذار وبالقانون زادة …لانو توجه ليه بعبارات واشارات قذرة تخدش الحياء ومن حق الامني انو يوقف العرض قانونيا لانو لطفي قام بحركات تنافي الحياء وهذي يعاقب عليها القانون وبالايقاف الفوري … _ التهمة تسمّى التجاهر بما ينافي الحياء … إينعم رجل الامن قانونيا من حقو وقت يلقى زوز “مكوبلين” يقومو باشياء تنافي الحياء من حقو يوقفهم فوريا … وموش يمشي يشكي للقضاء ..ديراكت للفرن …

وآشي عاد طروحات من مؤيد ومن معارض ..وآشي نفس لوبانة الامن وما له وما عليه …انا في تقديري المتواضع كلنا مسؤولون عما حدث البارحة ..نعم كلّنا مسؤولون …نحن نحتاج جميعا الى ثورة ثقافية نتعلم فيها حقوقنا وواجباتنا …نتعلم المواطنة، نعم المواطنة ..يخخي رجل الامن موش مواطن ؟ مواطن كيفي كيفك يغلط كيفي وكيفك يغلط كيف ما يغلط الاستاذ مع تلامذ تو كيف ما يغلط الطبيب والمحامي والاعلامي والبو والخو والوزير والرئيس ..تحبوه ملايكة ؟ تحبوه روبو ما عندوش شعور وكرامة وشعرة سيدنا علي اللي عند الكثير منّا ؟ يخخي احنا كلنا قائمين بواجبتنا على احسن ما يرام ؟؟ يخخي البوليسية في بلدان الحرية والديموقراطية (فرنسا وامريكا مثال) ما شفتوهمش كيفاش يفشخو في العباد ؟.. وقت نوصلو لمرحلة انو البوليس يحترمني ويعاملني بلسيّن حلو وانا نحترمو موش نغزرلو كشيطان وقتها انجمو نحكيو على المواطنة ….

نتعلّمو زادة ماهية الفنّ ودَوْرو في تطوير الشعوب والارتفاع بالحسّ الذوقي ..نتعلّمو ماهية التعايش. بين بعضنا في الشارع في الملعب في الكار في البحر زعمة نتحمّلو اخطاء بعضنا برُقيّ وضحكة في الوجه ؟؟. عندما نتعلّم ذلك لن يتجرّأ اشباه الفنانين على اعتبار الفنّ منديلة يمسحوا فيها قذارتهم ..وبتعلم الجمهور الفارق بين الفنّ والعفن ..ويتعلم فيها الامني واجباته وحقوقه …

ما حدث في جانفي 2011 كان هبّة شعبية ضدّ عصابات آل الطرابلسي ..هبّة دون قيادات دون ضوابط لثورة تحدّد ملامح الغد . واتى من اتى من المهرولين و قفز بالاحلام لتصبح كوابيس .وما عشناه بعد جانفي 2011 هو فوضى عارمة في كلّ القطاعات ..ما حدث البارحة هو لوحة اخرى من تلك الفوضى ..ولا اظنّها الاخيرة ….

8 اوت 2022

تم اختيار حنبعل المجبري كأفضل لاعب إفريقي صاعد.. يعني مشروع لاعب كبير.. معناها إذا ربي بقّى عليه الستر، قد يصبح عندنا لاعب في قيمة صلاح و محرز.. و لست أدري لماذا ذكرني تتويج حنبعل بتتويج طارق ذياب بالكرة الذهبية الإفريقية عام 1977..

بالعربي الفصيح: منذ 45 عاما كان عندنا امبراطور الكرة الإفريقية.. معناها كان عندنا واحد تونسي في قيمة جورج وياه و إلا سامويل إيتو و إلا محمد صلاح و إلا رياض محرز.. و من وقتها غاب اللاعب التونسي عن الكرة الذهبية الإفريقية.. لا خذاها بدرة لا الجعايدي لا الجزيري لا سيدي عمر.. خاطر تونس ماهيش ولادة كيما يحاول البعض باش يقنعنا..

بحيث إفريقيا الكل تقدمت في الكرة و نحن مازلنا نعيش على أطلال تتويج طارق ذياب.. رغم اللي في عهد طارق كانت أغلب الملاعب ترابا و لا عندنا تغذية طبية و لا مدربين من فئة Bac+8 و لا ستاف تكنيك و لا تمسيد و لا هم يحزنون.. كان المدرب لاهي بكل شيء و اللاعب ياكل كل شيء و فرملي الفريق يداوي بالسطل و الشيفونة السحرية.. و رغم ما سبق وُلِد امبراطور الكرة الإفريقية طارق ذياب..

برّا نرجعو لحنبعل المجبري: أفضل لاعب صاعد في إفريقيا.. حاجة باهية.. أما راهو منتوج أوروبي يحمل اسما تونسيا و جواز سفر تونسيا.. فقط.. تكوينه خاطينا.. بالعكس ربما لو ولد في تونس راهو ما خذاش فرصتو على اعتبار أن مدربينا لا يؤمنون بلاعب عمره ثمنطاشن سنة.. بما أننا نقول على صاحب واش و عشرين عاما (لاعب شاب..) هكا يولّي حنبعل “لاعب “طفل!