تابعنا على

تدوينـ ... ـار

تدوينـ…ـار

نشرت

في

طيران …

عندما مات عباس بن فرناس لدى محاولته الطيران، اختلف العرب و المسلمون حول: هل مات شهيدا نترحم عليه، أم منتحرا نلعنه إلى يوم الدين … في حين تساءل الغربيون: هل يمكن أن يطير الإنسان أم لا؟

(عن الصديق سليمان بخليلي)

أكمل القراءة
انقر للتعليق

اترك تعليقا

لن يتم نشر عنوان بريدك الإلكتروني. الحقول الإلزامية مشار إليها بـ *

تدوينـ ... ـار

قلتلكم …راهو راسو ملحّم !

نشرت

في

هاكة السيّد فرعون الكورة اليوم عاود حلقة اخرى من مسلسل التعنتير …طبعا بمباركة الاندية اللي اغلبها صبعها تحت الزرصة (مادّيا) وناسي انّو هاكة المكشّر راهو قماش اخر ..

عبد الكريم قطاطة

سي توفيق ماشي كيف العادة يرجع للتاس في شكوى جديدة ضدّ التاس .. وحظوظو كبيرة لاعطاء صطاكة اخرى للوديع ..ديع ..ديع ..وزيد نجم المتلوي شكّب من غادي وماشي يلتجئ للتاس زادة .. وزيد جرجيس قالتلو امممهأه موش عدل انا نلعب زوز مقابلات والمتلوي تلعب مقابلة وحدة ..وزيد القصرين حلّت عليه باب بلاء بعد فضيحة 7 ـ 7 .. وطبعا ما ننساوس كيفاش ماشي يكون ردّ فعل وزارة الشباب والرياضة …راهي حتى هي تستنّى في عمّك وديع في الدورة ..واكبر دليل على ذلك ايقاف الجولة الاولى قبل بضع دقائق من انطلاقها يوم امس …

مجموعة من الاسئلة تُطرح ..

1 زعمة تنطلق البطولة الاسبوع المقبل ؟

2 زعمة ومحافظة على امن البلاد الوزارة تتدخّل ثانية لمنع انطلاق البطولة مجدّدا ؟ ..

3 زعمة ؟ …

4 زعمة ؟ ..

5 زعمة ؟…

ثمّ زعمة وحدة ما زعماش ..وهي زعمة يحلّ هاكة السيّد الطاسة متاع مخّو ويجي لثنيّة الحقّ ؟؟ هذي في بالي .._ لع لع لع _ ..

1 اكتوبر 2022

أكمل القراءة

تدوينـ ... ـار

شفتوه مازال يتعنتر !

نشرت

في

الجاهل والغبي والفرعوني وحده من يواصل التعنتر حتى وهو ذليل .. التاس حكمت لفائدة الشابة ..فرعون كرة القدم التونسية اللي كان طوال فترته يهددنا بالفيفا يعمل هكة ويصدر بيان فيه استغراب واستنكار من قرار التاس ..

عبد الكريم قطاطة

هذا دليل على انو حتى في المعارك ما يعرفش يتكتك ..تي خالد ابن الوليد الذي خاض 100 معركة وانتصر فيها كلّها … خالد بن الوليد وما ادراك ادرك في معركة ما انّ القوى مع عدوّه غير متكافئة فامر جنوده بالانسحاب _ وهذا يسمّى بالانسحاب التكتيكي _ وعاد بعد ذلك ليكبّد العدّو اشدّ الهزائم .. تي اتعلّم شويّة فنون التكتيك مع خصومك ها وديع … اما زايد اللي راسو كاسح يقعد ديمة كاسح ..ثمّ يوخّر ويقدّم ويعيّن الشابة في المجموعة الاولى ويقترح دورة ترشيحية بين حمام الانف وجرجيس والمتلوّي ….

يخخي الفرق عندك روس بصل كلّ راس تغرسو وين ما تحبّ ؟؟ يخخي الخارطة الكروية هي الجنينة متاعك ؟؟ ايّة سيدي شدّ عندك توّة ..المكشّر مرة اخرى اكّد انو سيد الرجال وكشّر عن انيابو وقلك اممهأه .. وزاد رجع للتاس شاكي بيك ..والمتلوي زادة قالتلك اممهأه ورفضت المقترح متاعك …

موش قلتلك امس (بتحطّ نفسك في اماكن بااااايخة) ..لولا كسوحية راسو موش كان ينجم مثلا يوخّر البطولة لما بعد كاس العالم ويعاود تنظيم هالخبّيلة مع رؤساء الاندية ويعاود القرعة وهكة الاندية تعاود تنظم صفوفها وانتداباتها بشكل عادل وتكونلك فرصة يا وديع باش تعمل تربّص في العدالة والديموقراطية مع الجميع ؟؟…

هو ثمة حلّ اخر وهو الاسلم والذي سيكون بداية انفراج للكرة التونسية وهذا يلزمو فقط راجل ..الحلّ الاسلم هو الاستقالة ..استقالة الوديع وحاشيته .. نعرف روحي رومانسي في مثل هذا الطرح ..اما صدقا وبكلّ المقدسات بما في ذلك قدسيّة مصلحة الوطن استقالتك هي الدواء لهذا الوضع المقزّز والمخزّز والمنرفز للكرة في تونس

30 سبتمبر 2022

أكمل القراءة

تدوينـ ... ـار

سويعات قبل مواجهة السامبا

نشرت

في

بيليه العرب …
… و بيليه الأسطورة

يواجه المنتخب التونسي لكرة القدم اليوم احد عمالقة السحر الكروي … البرازيل .. برازيل غارينشا وبيليه وريفيلينو وجاييرزينو وتوستاو ..برازيل فالكاو و زيكو و سوكراتس … برازيل كاكا ورونالدو ورونالدينيو ..وبرازيل اليوم نايمار وفينيسيوس وبقية القائمة …

عبد الكريم قطاطة

انا ومهما كانت النتيجة التي ستؤول اليها المباراة اعشق الفنّ الكروي ..وككلّ فنّ .. للفنون فلتاتها … وما امتع ان ننعم بسحر الفلتات .. كتونسي طبعا يهمني جدا ان يقدم الفريق الوطني “ُطُرحا” جيّدا ولكن لن انصدم بايّة نتيجة ..الكرة والنتائج لا يصنعها لا الاعلام ولا العاطفة الوطنية .. الكرة تصنعها السيقان … لذلك سآخذ قهوتي اثناء المباراة وادخّن سيجارتي واستمتع ..الكورة متعة او لا تكون ..

وللامانة كورتنا التونسية وحتى الكورة في عديد البلدان والتي لها باع وذراع ابتعدت سنوات ضوئية عن المتعة .. لذلك عندما يطلّ علينا عمالقة المتعة غدا في باريس، لا يمكن الا ان نقول هولاي ..وارجو ايضا ان اقول ويلييييييييييييي ..

27 سبتمبر 2022 …

أكمل القراءة

صن نار