تابعنا على

اجتماعيا

خط حافلات جديد … مواز لقطار “تي جي ام”

نشرت

في

أعلنت شركة النقل بتونس أنه تدعيما للخط الحديدي تونس حلق الوادي المرسى، تم إحداث خط حافلة جديد يحمل رقم 347 يربط محطة تونس البحرية بالمرسى (معهد غوستاف فلوبير بالمرسى نهاية الخط).

وسيكون مسلك هذا الخط الذي سينطلق استغلاله يوم الاثنين 18 سبتمبر الجاري بمعدل سفرة كل 20 دقيقة في الاتجاهين على النحو الآتي :

*ذهابا : محطة القطار “تونس البحرية” مرورا بالطريق السريعة تونس حلق الوادي (الجهوية رقم 22) ثم شارع 1 جوان 1955 بحلق الوادي مرورا أمام المعلم الأثري الكراكة بشارع فرحات حشاد ثم شارع الحبيب بورقيبة مرورا بخير الدين و الكرم ثم صلامبو ثم قرطاج بيرصا مرورا بمحكمة الناحية بقرطاج ثم نهج ديدون (rue Didon) أمام المسرح الأثري بقرطاج ثم شارع البيئة لتمر من أمام جامع العابدين ثم نهج المغرب إلى غاية سيدي بوسعيد لتسلك شارع 14 جانفي مرورا بالمدرسة الوطنية للهندسة المعمارية (ENAU) ثم شارع الجمهورية بالمرسى ثم نهج عبد الرحمان مامي إلى غاية نهاية الخط أمام معهد غوستاف فلوبير بالمرسى.

*إيــابا : نفس مسلك الذهاب في الاتجاه المعاكس.

وستكون تعريفة هذا الخط الذي يمتدّ على مسافة 20.9 كم في كل اتجاه تعريفة موحّدة قدرهادبنار واحد.

أما بالنسبة لبقية سندات النقل بالدينار ستكون التعريفة على النحو الآتي :

9,000 كنش العشرة تذاكر
6,500 البطاقات الأسبوعية
30,000 الإشتراك الشهري
300,000 الإشتراك السنوي
60,050 الإشتراك المدرسي

كما يمكن التنقل على هذا الخط بالنسبة لحاملي الاشتراكات الخاصة بالخط الحديدي ت.ح.م.

أكمل القراءة
انقر للتعليق

اترك تعليقا

لن يتم نشر عنوان بريدك الإلكتروني. الحقول الإلزامية مشار إليها بـ *

اجتماعيا

جندوبة… تأسيس شركتين أهليتين

نشرت

في

من منصف كريمي

تحت اشراف وزارة الشؤون الاجتماعية تنظّم معتمدية جندوبة صباح غد 14 سبتمبر الجاري جلسة تأسيسية لشركتين أهليتين مقرهما جندوبة المدينة وهما شركة “حلمة للنسيج والخياطة” وشركة “س م ك لوكي للجلود والأحذية” “حيث تختص الأولى في خياطة مختلف الأنسجة وبرأس مال مليون و200 ألف دينار وبـ50 مكتتب مساهم في حين تختص الثانية في صناعة منتجات الجلد والأحذية وبـ50 مكتتب مساهم وبرأس مال مليون دينار. وستكون الطاقة التشغيلية للأولى في حدود 50 شخصا في حين يمكن للثانية تشغيل 80 فردا.

يشار الى أن السلطات المحلية والجهوية بولاية جندوبة ومنذ شهر مارس الماضي حرصت ومن خلال معتمد جندوبة المدينة وعملا بمقتضيات الفصل 63 من المرسوم عدد 15 لسنة 2022 المنظم للشركات الأهلية والذي جاء فيه” تتولى السلط المحلية الإحاطة بالشركات الأهلية المحلية والإشراف عليها”، على تحسيس شباب المنطقة ببعث شركات أهلية كبديل تنموي للتشغيل والمساهمة في الحركة الاقتصادية.

أكمل القراءة

اجتماعيا

“تحليڨ”

نشرت

في

ايا سيدي ماشي بدخلوا الصغار للمكتب وكل واحد يعرف بلاصتو وتوة ماشي تبدى حرب اخرى في الديار , هو قبل الديار راهي بدات الحكاية قدام المكتب , ماهو فمة نساء ملي يحل المكتب لين يسكر وهوما قدام الباب محلڨين عام كامل تقول لا في جرتهم ديار ولا حركة ولا تطيب , وهاكة النساء الي موجودين قدام كل مكتب يعرفوا خنار المدرسة اكثر من المدير والمندوبية والمعلمين بحثهم الكل عندهم , اهم اليوم عاد تلاقاوا وبوس وتعنيق وياجميلة شحالك ووينك يعطيك بلحين من المكتب للمكتب ناراك ….

ياسين الرباعي
ياسين الرباعي

. والله يا سعيدة قد ما حبيت نجيك في الصيف اما شي ماك تعرف الاعراس والبحر ويزي عليا وبرة وكمل عرس سلفي السنة كليناه صافي في جرتو , جاب ربي عملنا ايامات في المهدية والله تشره هاكي المهدية من العشية للعشية نخرجوا عالة التاي وننصبوا في الكورنيش برود يهبهب الحق وبحر يشره , ايا اهي جات راضية تظهر سمنت في الصيف وكحالت شعزاها زعمة ؟ يا مرحبا يا راضية وكل عام وانت بخير ايا سمعتشي ولدك عند شكون جاء ؟

اهو سمعت توة وقالولي عند مدام حميدة وانا بيناتنا ما نحبوش عندها , وخيتي تغيب ياسر وتحبل ديما وتطيح وعام كامل ما يقراوا شي الصغار , نحب نحولو عند سي احمد يشره الحق ومستواه باهي

, وانت تنجم تحول ولدك عند سي احمد بالله ؟ هاكة من اول الصيف عطاوه الصغار الممو وقلك المدير ما فمش محوال , انا جاب ربي بنتي عندو السنة اما في السوري عند راقية وانا تنوغلت الحق

, هاكي دينها فلوس والي ما يقراش عندها ايتيد تحتحتو يراها محتحتة وهي كيف العقرب الصفراء

, توة باهي هذا كل عام المدير يخلينا علة في كل قسم رغم دخلتلو عمناول ووصيتو وشي , حتى قلنا خارج انتريت المدير اهو طلع مازالو عام , والا حال كان في بلاصتو جاء سي الشاذلي محلاه هاكة الراجل وقداش مسايسي وياخذ بالخاطر , انا بالمسلط وقت يشد هو مدير بنتي تكمل السنة السيزيام

, وكمل عاد بنتك في السادس السنة يا جميلة وخلاولهم سي المنصف الحق هو يشره اما من عمناول تبدل مسيكن في النيخي هو ومرتو ونازلتهم عند الحاكم ولى ما عادش يقري كيف قبل انشاء الله السنة تكون تحلت حكايتو ويرجع , اوكة للحساب خلاوا معاه سي الطيب ومسيكن ماهو شرا دار وواخذ قرض ولى دازز عليها بالايتيد وفي القسم ما يقلهم شي الي يحب يفهم يجيني للدار يقلهم

, لا انا اذا هكة داخلة للمدير نقلو يحولي ولدي وكان الزم نحولو من المكتب توة نعمللهم صارمية انا ها المعلمين واسمع يا حسرة مكتبنا فسد راهو حتى نائبة المدير ماهي عرست لبنتها وبنتها ولدت ولات طول النهار الي غايبة اكثر ملي تقري شادة ولد بنتها ومبروك الشاوش كان مهنينا على صغارنا في اللمجة ووقت يغيب المعلم . قام المدير السنة قلو نحي عليا النصبة متاعك وما تبيع شي , اوكة بالبونتو ولى يكنس الاقسام ويشد بيتو ويكدس وهاكة الصغار كولني ناكلك في الساحة …

. اوكة حتى الجداول ما عطاوهمش قالولهم توة نعلقوهم وانتم نقلوه بعدلي الفوتو كوبي متع المكتب ما فيهاش اوراق

, يا جميلة بالله هاكي مدام هالة قسماش عطاوها ؟

العادة ديما قسم الرابع كبتلهم سعدهم الصغار لا تعرف تقري ولا تربي الي عطاها على جبدان شعرها وكل جمعة بلون وهي اش يا ذبانة ما فمة في الدنيا كان انا , وهو الحديث بيناتنا ماهي سلفت اخت راجلي جارتها قاتلي كل ليلة طريحة من عند راجلها وعركهم يجيبك منين

, اوكي عطاوها قسم الخامس السنة يا للا وتقري ايقاظ وتشكيلية ابرك ما تقريهمش حاجة اخرى ,

ويكمل الديسكور في الدار عاد ايا شقللكم المعلم وتوة نحولك من القسم انت اسكت ما تقول شي خاطر المدير وصاني قلي والله كان على خاطر نعزك يا راضية

أكمل القراءة

اجتماعيا

عملية إجرامية كادت تستهدف أحد قطاراتنا

نشرت

في

تفطن سائق قطار إلى وجود اعمدة حديدية على السكة يمكنها قلب القطار و أحداث اضرار خطيرة جدا بالركاب. وحسب التحقيقات الأولية فإن طريقة وضع الاعمدة على قضبان السكة تمت بطريقة “محترفة” قد تقلب القطار و ليست عملا بسيطا او عرضيا.

العملية تمت بجهة الكاف و الأبحاث جارية وحثيثة نظرا إلى خطورة الجريمة .

أكمل القراءة

صن نار